الكون حيسمعنا(اوبريت للوطن العربي)

الكون ح يسمعنا

*****************

قولوا بعلو الصوت

الحق مش حيموت

ولا شيء ح يمنعنا

نادوا معانا الشمس

لو حتي نهمس بس

الكون ح يســـمعنا

** ** **

عشنا كتير صابرين بنادي ع الاحلام

ضاع من حقوقنا كتير والرد كان بكلام

مشوارنا لسه طويل لكن ح نتحمل

والصبر حلو جميل بس العمل اجمل

** ** **

احنا العرب امه مش غنوه او كلمه

تتقال وتتغني احنا العرب د كيان

هده الزمان ما اتهد وادي السنين تشهد

ان احنا وقت الجد بنثور كما البركان

** ** **

شهــــيد وبعده شهــــــيد والايد مهش ف الايد

والضربه جايه وقاضيه مش راحمه حتي وليد

الحق ملهـــوش صوت ورضينا ليه بالموت

فاكرنا من صــــــــبرنا ليهــــم بقينا عبيــــــد

** ** **

الصعب بكره يهـــــــــون لو نبقي ايد واحده

دايـــــــما عيون الديب ع اللي يكون وحــده

لو للأراضي حـــدود مفيش حـــدود للروح

مصر السودان لبنان كله وطن مجـــــروح

*** *** ***

قلـب العـــرب غزه تبكي بجـــــناح مكسور

ضــاع مننا العــزه بعد امـــا كنــا نســـور

ف كل يوم ارهــــاب عدوان علي البلدان

وادي العراق اهو اداق ومين عليه الـــدور

**** **** ***

م المغرب م الامارات م الاردن م السعوديه

عاوزين اسود ابطال ترفع رايه الحـــــريه

دول الخــــليج سوريـا تونس وليبيا كمــان

قـــولوا بعلو الصــوت فليسقــــط الطغيـــان

****** ********* ******

*********** ************